Tirana dhe Pogradeci po luajnë prej orës 18:00 në sfidën e cila do të vendosë se cila prej dy skuadrave do të jetë pjesë e Superiores në edicionin e ardhshëm.
Takimi ka nisur me një ritëm të lartë me liqenorët që kanë krijuar mundësitë e para për shënim ndërsa më pas ka ardhur edhe kundërpërgjigja e Tiranës.
Fillimisht në minutën e 5-të rreziku shfaqet para portës së Selmanit pasi Ivani kthen një top në qendër, portieri del dhe grushton e më pas fiton faull.
1 minutë më pas Zguro harkon rrezikshëm te Krasniqi por ky i fundit nuk ia del të devijojë para portës.
Rasti më i mirë i minutave të para i përket Tiranës. Ndreca godet brenda zonës ndërsa topi po shkonte drejt rrjetës mbrojtësi i Pogradecit bën ndërhyrje shpëtimtare duke larguar rrezikun.
