Sali Berisha ka mbajtur këtë të shtynë një miting në qytetin e Gramshit në kuadër të fushatës elektorale për zgjedhjet e 11 Majit.
Gjatë fjalës së tij, Berisha tha se sot Gramshi ka nevoja emergjente, pasi sipas tij, është lënë në harresë nga Qeveria. Lideri demokrat tha se rrugët në Gramsh janë lënë siç i la qeveria e PD-së në vitin 2013, ndërsa shëndetësia është përkeqësuar, duke u bërë si në vitin 1960, sa i përket mjekëve për numër banorësh.
Sali Berisha: Unë e njoh jo pak këtë vend, por e vërteta është se Gramshi si asnjë rreth tjetër ka nevojat më emergjente. Para se të vija këtu, një mik i imi, Besnik Kala, më bën një mesazh, më thotë: Rruga e Kodoviatit mbeti aty ku e latë në vitin 2013. Janë me dhjetëra fshatra të cilat as rrugët e qerreve nuk i kanë më siç i kanë pasur. Ndërkohë Gramshi në të vërtetë është një rreth me pasuri shumë të mëdha. Është një rreth me njerëz shumë punëtorë, të përkushtuar. Është një rreth në të cilin është një kopsht i vërtetë me dru frutorë. Të gjitha pemët rriten dhe të cilësisë më të mirë. Është një rreth me potencial malor të madh turistik. Është një rreth që sot ka një nga liqenet më të bukura, liqenin e Banjës.
Por të gjitha këto potenciale të mëdha nuk i gëzojnë gramshiotët, nuk shndërrohen në pasuri për familjet dhe banorët e Gramshit. Të gjitha këto pasuri nuk begatojnë familjet në Gramsh dhe qytetarët, por i detyrojnë vetëm të largohen. Nga 50 mijë banorë, Gramshi sot ka gjithsej 16 mijë. Siç ka infrastrukturën, Gramshi ka infrastrukturën e arsimit, infrastrukturën e shëndetësisë. Këtu para dy vitesh një mjeke e nderuar më tha se ishte mjeke në një zonë me 8 mijë banorë në fshatra. Një heroinë e vërtetë sepse mjekët ikën, ikën dhe vetëm ikën. Sot ne kemi zbritur si vend në nivelin e vitit 1960 për mjekë për numër banorësh. Kemi katër herë më pak se BE.
Pra, kanë qenë 12 vite rrokullisje të vërtetë. Në vitin 2013 pensionisti në Gramsh merrte pak, por merrte më shumë se pensionisti më Maqedoni, Serbi, Mal të Zi, Rumani dhe Bullgari. Në vitin 2013, rrogëulëti në Gramsh merrte pak, por prapë merrte më shumë se sa rrogëulëti në Maqedoni, Serbi, Mal të Zi, Rumani dhe Bullgari. Në vitin 2013, rumunët kishin një rrogë prej 167 eurosh, kurse shqiptarë kishin një rrogë minimale 220 euro. Sot rumuni ka një rrogë minimale 800 euro. Sot malazezi që kishte një pension 138 mijë lekë, ka një pension 450 mijë lekë. Sot serbi që kishte një pension 140 mijë lekë, ka një pension 405 mijë lekë. Sot maqedonasi që kishte një pension 130 e ca mijë lekë, ka një pension 390 mijë lekë.
