Lamine Yamal festoi në mënyrën ë të mirë ndeshjen e tij të 100 me fanellën e Barcelonës, teksa shënoi në sfidën gjysmëfinale të Ligës së Kampioneve ndaj Interit.
Një kundërshtar i vështirë, të cilit nuk i kishte shënuar kurrë Lionel Messi gjatë viteve të tij te katalanasit. Por i riu spanjoll e bëri realitet që në pjesën e parë të ndeshjes, duke vendosur një rekord për turneun.
Në moshën 17 vjeç e 201 ditë, ai u bë lojtari më i ri që shënonte në një gjysmëfinale të Ligës së Kampioneve, duke thyer rekordin e vendosur nga Kylian Mbape në moshën 18 vjeç e 140 ditë, kur i shënonte Juventusit me fanellën e Monakos në majin e vitit 2017.
