Barcelona fitoi të shtunën Kupën e Mbretit në Spanjë pasi mundi Real Madridin 3-2 në kohën shtesë. Heroi i finales ishte padyshim Jules Kounde, francezi shënoi golin vendimtar pak minuta para fundit të shtesës prej 30 minutash.
Kounde është një lojtar kyç për katalanasit, por gjithmonë e më shumë po shtohen zërat për një largim të mundshëm të tij gjatë merkatos së verës. TBR Football raporton se Chelsea thuhet se ka qenë në kontakt të rregullt me përfaqësuesit e Kounde gjatë këtyre kohëve.
Klubi londinez është i gatshëm të paguajë deri në 65 milionë euro për të sjellë anësorin francez në “Stamford Bridge”. Te Barcelona jnë të dyzuar për të ardhmen e Kounde, nga njëra anë klubi ka nevojë të shesë për të qenë në rregull me situatën financiare, nga ana tjetër është e vështirë për të gjetur një zëvendësues të denjë për Kounde në krahun e djathtë.
Përveç Chelsea-s, për francezin interesohen edhe Arsenal me Manchester United. Në fund të këtij sezoni pritet një vendim përfundimtar nga ana e drejtuesve të Barcelonës për fatin e Jules Kounde, por interesimi i klubeve angleze sa vjen dhe bëhet më i madh.
