Real Madrid ka përshkallëzuar qëndrimin kundër gjyqtarëve që sipas klubit janë duke drejtuar në mënyrë të qëllimshme në dëm të “Los Blancos”.
Madrilenët kanë kërkuar përgjatë ditës së djeshme ndryshimin e gjyqtarëve të sfidës ndaj Barcelonës, sidomos pasi ata u shfaqën në konferencë për mediat dhe folën kundër videove të publikuara nga klubi në fjalë në televizioni e tij, ku rreshtoheshin gabimet e “xhaketave të zeza”.
Kësisoj, Reali vendosi fillimisht të mos merrte pjesë në asnjë nga aktivitetet zyrtare të organizuara nga Federata Spanjolle e më pas, anuloi konferencën dhe stërvitjen e zakonshme.
Në një reagim në orët e vona të mbrëmjes së djeshme klubi madrilen ka konfirmuar se do të zbresë në fushën e lojës për të luajtur finalen e Kupës së Mbretit ndaj Barcelonës ndërsa nuk tërhiqet nga kritikat për gjyqtarin e sfidës, Ricardo de Burgos Bengoetxea, duke e akuzuar atë dhe ekipin e tij që ka vepruar qartazi kundër klubit.
Deklarata e Real Madrid:
“Në dritën e thashethemeve që janë shfaqur orët e fundit, Real Madrid njofton se ekipi ynë nuk e ka menduar asnjëherë tërheqjen nga finalja e nesërme.
Klubi e kupton se deklaratat fatkeqe dhe të papërshtatshme të gjyqtarëve të caktuar për këtë ndeshje, të bëra 24 orë para finales, nuk mund të njollosin një ngjarje sportive me rëndësi globale që do të ndiqet nga qindra miliona njerëz dhe për respekt për të gjithë tifozët që planifikojnë të udhëtojnë në Sevilje, dhe të gjithë ata që janë tashmë në kryeqytetin Andaluzian.
Real Madridi e kupton se vlerat e futbollit duhet të mbizotërojnë, pavarësisht armiqësisë dhe armiqësisë që janë demonstruar edhe një herë kundër klubit tonë sot nga gjyqtarët e caktuar për finalen”.
