Trajneri i ri i Manchester United, Ruben Amorim, ka marrë një vendim të rëndësishëm në lidhje me të ardhmen e skuadrës.
Sipas asaj që raporton e përditshmja britanike Mirror, strategu portugez ka dhënë miratimin për shitjen e gjashtë lojtarëve gjatë merkatos së verës.
Qëllimi i këtij operacioni është grumbullimi i fondeve për të forcuar skuadrën me afrime të reja.
Megjithatë, surpriza më e madhe është përfshirja në listë e dy emrave që janë ende pjesë e skuadrës aktuale: Casemiro dhe Alejandro Garnacho.
Lojtarët që pritet të dalin në shitje:
Marcus Rashford (i huazuar te Aston Villa)
Jadon Sancho (i huazuar te Chelsea)
Antony (i huazuar te Real Betis)
Tyrell Malacia (i huazuar te PSV Eindhoven)
Casemiro
Alejandro Garnacho
Kjo lëvizje tregon se Ruben Amorim është i vendosur të sjellë ndryshime rrënjësore në skuadrën e “Djajve të Kuq”, duke ndërtuar një ekip që përshtatet me idetë e tij taktike.
