Sali Berisha ka qenë sot në Lushnjë, ku ka prezantuar kandidatët e PD-së për këtë Qark për zgjedhjet parlamentare të 11 Majit.
Gjatë fjalës së tij, Berisha foli edhe për etiketimin që Edi Rama i bën atij, duke e quajtur buf. Sipas liderit demokrat, me këtë etiketim, Rama i ka dhënë një epërsi të jashtëzakonshme, teksa shtoi se ai është meme e gjallë.
Sipas Berishës, Rama imiton dhe kopjon si majmun, duke iu referuar pretendimeve se ka kopjuar programin e PD-së për të prodhuar në Shqipëri.
“Made in Albania” do jetë krenaria jonë kombëtare. Memeja e gjallë, se kështu po e quajmë ne atë, ai që më quan mua buf, po ai nuk e kupton se më ka dhënë një epërsi të jashtëzakonshme dhe unë u garantoj se do përdor të gjithë eksperiencën dhe mençurinë time për ta përzënë me datën 11 maj së bashku me ju. Lëre mos e pyet! Kopjon dhe imiton si majmuni, sot deklaronte se do prodhojmë makina ushtarake Made in Albania. Jo mo jo, do e fillojmë me qumështin, me misrin, me frutat, me zarzavatet, me biznesin e vogël,me biznesin e madh. Do prodhojmë edhe makina, do prodhojmë çdo gjë. Shqipëria do jetë prodhuese, prodhuese dhe vetëm prodhuese. Biznesit të vogël, tavanin nga 140 mijë euro do e ngremë në 180 mijë euro për TVSH-në dhe tatim-fitimin. Zero nën 180 mijë euro do kenë TVSH apo tatim-fitim. Biznesi i vogël do paguajë asnjëherë më shumë se 1 të dhjetën e xhiros, taksë që i vë bashkia e Shytëve këtu, apo bashkia e Erionëve në Tiranë, apo e atij tjetrit në Fier. Jo, jo, 1 përqind, nuk do i vënë dot më shumë. Do të diktohet sipërfaqja publike.” – tha Berisha.
