Thomas Müller, pas 25 vitesh te Bayern, në verë largohet përfundimisht dhe me shumë mundësi do të provojë një aventurë të fundit në SHBA.
Bayern dje zyrtarizoi mbylljen e karrierës së tij në futbollin europian dhe ky ishte lajm shokues në Gjermani, sepse pritej që sulmuesi gjerman të vijonte edhe për një sezon.
Mediat gjermane zbulojnë se Bayern ishte i detyruar të merrte këtë vendim. Arsyet janë vetëm ekonomike. Ky është viti i parë në dy dekadat e fundit, që klubi nuk del me fitime në sezonin financiar.
Müller e shprehu hapur një pakënaqësi: “Mund ta mirëkuptoj klubin për të gjitha, por nuk më pëlqyen lajmet dhe deklaratat në publik gjatë javëve të fundit”.
