Një aksident ka ndodhur në fshatin Luzat të Tepelenës, ku një 65 vjeçar humb kontrollin mbi mjetin dhe për pasojë del nga rruga.
Policia thotë se nga aksidenti mbeti i d♪mtuar drejtuesi i mjetit dhe një pasagjer.
Ata po marrin ndihmën mjekësore në spital.
Tepelenë/Informacion paraprak
Rreth orës 19:50, në rrugën e fshatit Luzat, shtetasi Z. Ç., 65 vjeç, banues në Tepelenë, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë dëmtuar lehtë shtetasi Z. Ç., dhe pasagjeri shtetasi S. K., të cilët po marrin ndihmë mjekësore në Spitalin Rajonal Gjirokastër.
Grupi hetimor po punon për sqarimin e rrethanave të aksidentit.
