Partia Demokratike ka depozituar këtë të mërkurë në SPAK një kërkesë për infomacion, në lidhje me hetimet për zgjedhjet parlamentare që do të mbahen më 11 Maj.
Teksa kanë kaluar dy muaj nga ngritja e Task Forcës për hetimin e krimeve zgjedhore, demokratët kërkojnë të dijnë se sa hetime ka nisur Prokuroria e Posaçme për krimet zgjedhore dhe sa prej tyre janë nisur me iniciativë të vetë SPAK-ut, dhe sa me kallëzime.
“Në janar të vitit 2025 SPAK ka ngritur një task forcë të dedikuar për hetimin e krimit zgjedhor. Gjithashtu, kemi marrë dijeni se SPAK ka lidhur marrëveshje bashkëpunimi me KQZ për hetimin e krimeve zgjedhore. Sot që kanë kaluar dy muaj nga krijimi i saj si dhe pak ditë para nisjes së fushatës zyrtare zgjedhore, kërkojmë informacion për sa më poshtë vijon:
1. Sa hetime ka nisur SPAK për krime zgjedhore nga janari i vitit 2025 deri në ditën e përgjigjes tuaj?
2. Sa nga këto hetime i keni nisur me iniciativën tuaj (kryesisht) dhe sa kanë ardhur si rrjedhoje e denoncimeve/ kallëzimeve?” – thuhet në letrën drejtuar kreut të SPAK, Altin Dumani.
