Është identifikuar shqiptari i cili u arrestua dy ditë më parë në Itali, pasi akuzohet se pesë vite më parë ka vrarë një 36-vjeçar rumun.
Dyshohet se krimi ka ndodhur për shkak të prishjes së pazareve të drogës dhe kontrollin e territorit.
I arrestuari është Besmir Toja, 36-vjeç, i cili ishte shpallur në kërkim pas identifikimit nëpërmjet gjurmëve dhe pamjeve filmike të kamerave të sigurisë. Ai ishte arratisur nga Italia pas krimit për të mos u arrestuar, por u rikthye në Fermo për shkak të problemeve shëndetësore dhe familjare.
Toja është dënuar në mungesë me gati 23 vite burg për vrasje me dashje. Në qershor, dy vjet më parë, Gjykata e Assizes e Macerata e shpalli atë fajtor për vrasjen e Mihaita Radu, me origjinë rumune, i cili u gjet i pajetë në fshatin Porto Sant’Elpidio.
Ai u kap nga Karabinierët e Bërthamës Investigative, njësia operative e Fermos, të ndihmuar nga kolegët e tyre nga stacioni i Porto Sant’Elpidio. Besmiri, i njohur nga organet e zbatimit të ligjit për krime pronësie dhe trafik droge, dyshohet se vrau viktimën për konflikte të pazgjidhura të pazareve drogës.
Mihaita Radu, mëngjesin e 17 shkurtit 2020, u gjet i pajetë midis Pescolla dhe kryqëzimit Pian di Torre, pas një raportimi nga një banor.
“Në trupin e tij kishte rreth tridhjetë plagë nga një armë prerëse, prerje që e kishin goditur në shpinë. Hetimet e kryera nga Karabinierët kanë shqyrtuar jetën dhe kontaktet e të riut rumun, kanë shfrytëzuar teste shkencore, aktivitete monitoruese, kanë ekzaminuar sistemet e vëzhgimit me video në një rreze prej disa kilometrash, të gjitha regjistrimet e trafikut telefonik dhe qelitë e lidhura me celularët atë natë”, informon media italiane.
Toja ishte personi i fundit që u pa atë natë në shoqërinë e viktimës, në një makinë me ngjyrë të errët, në pronësi të partnerit të të dyshuarit. Disa ditë pas krimit, Besmiri u zhduk dhe doli jashtë shtetit.
36-vjeçari u kthye për arsye shëndetësore në Itali që të ishte më pranë fëmijëve të tij që mbetën në Itali. Nga hetimet janë analizuar aspekte të ndryshme, duke filluar nga vendi i krimit. Gjurmët modeste të gjakut në vendin ku u gjet kufoma çuan në hipotezën se vrasja kishte ndodhur në një vend tjetër dhe se trupi tashmë i pajetë i Radu ishte braktisur më pas në një zonë periferike.
Në trup nuk kishte shenja dhune, aspekt që sugjeronte një krim të kryer papritmas.
Qelitë telefonike të të pandehurit, në orët para gjetjes së trupit, konfirmuan praninë e tij në zona afër vendit ku u gjet rumuni i pajetë. Këto prova çuan edhe në dënimin e tij në qershor të 2023. Besmiri tani po vuan dënimin në burgun e Fermos.
Rumuni i vrarë, i cili la pas një djalë, i cili iu la në kujdestari nënës së tij si palë civile në gjyq, në momentin e vrasjes punonte si punëtor i thjeshtë. Ai kishte precedentë penalë në të kaluarën dhe ishte caktuar në punë në shërbim të komunitetit që e kishin afruar më shumë me vullnetarizmin, ku vazhdoi të shërbente.
Lexo edhe:
Vrau rumunin për pazaret e drogës, arrestohet pas 4 vitesh shqiptari i dënuar me 22 vite burg
