Një 40-vjeçar është arrestuar nga policia e Vlorës pasi dyshohet se ka kryer marrëdhënie seksuale me një të mitur të moshës 15 vjeçe.
Ngjarja dyshohet të ketë ndodhur në 22 mars, ndërkohë policia ka vënë në pranga shtetasin me iniciale R.R., banues në Vlorë.
Në të njëjtën kohë është proceduar edhe një 33 vjeçar pasi dyshohet se të dy kanë bashkëpunuar dhe kanë detyruar tre vajza të mitura të përdornin lëndë narkotike.
Njoftimi i policisë
Specialistët e Seksionit për Hetimin e Narkotikëve të DVP Vlorë ndaluan shtetasin R. R., 40 vjeç, banues në Vlorë, për veprat penale “Marrëdhënia seksuale ose homoseksuale me të mitura” dhe “Nxitja për përdorimin e drogës”, pasi më datë 22.03.2025 dyshohet se ka kryer marrëdhënie seksuale me një 15-vjeçare. Gjithashtu, shtetasi R. R. dyshohet se në bashkëpunim me shtetasin F. Q., 33 vjeç (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike.
Veprimet procedurale për këtë rast janë kryer në prani të prindërve të shtetaseve të mitura, psikologes së DVP Vlorë dhe mbrojtësve ligjorë.
