Ish-çifti i famshëm, Mauro Icardi dhe Wanda Nara, janë zyrtarisht divorcuar! Mediat në Itali shkruajnë se gjithçka është vendosur nga gjykata e Milanos ku ka bërë kërkesë futbollisti i famshëm.
Sulmuesi argjentinas ka paraqitur kërkesën për divorc duke nxjerrë si provë tradhtinë bashkëshortore të modeles së famshme.
Icardi kërkonte me çdo kusht divorcin në këtë mënyrë, pasi synon që në gjyqin pasardhës për ndarjen e pasurisë, të mos i kalojë asgjë ish-bashkëshortes së tij pikërisht duke u ndalur të tradhtitë.
Dhe me 11 mars, ai është paraqitur në gjykatë me prova me video dhe foto të tradhtisë së ish-bashkëshortes me tre persona të ndryshëm.
Ato me Keita Balde dhe L-Gante ishin bërë të ditura prej kohësh, ndërsa tani ka dalë në skenë edhe një emër i tretë. Është bërë e ditur se Wanda e kishte tradhtuar edhe me Federico Fazio, ish-futbollistin e Argjentinës në vitin 2017.
Asokohe, ajo çështje bëri shumë bujë dhe shkaktoi aq shumë telashe në grupin e përfaqësueses së Argjentinës, sa rrjedhojë e saj ishte largimi i Icardit nga ekipi për Botërorin 2018 e në vijim.
Tani me vendimin e gjykatës në favor të tij, futbollisti i famshëm ka në dorë një armë të fortë në gjyqin për ndarjen e pasurisë, si dhe për të siguruar të drejtën e rritjes së dy vajzave që ka me prezantuesen argjentinase, të cilat për momentin jetojnë me të ëmën.
