Janë zbardhur emrat e 4 të rinjëve të cilët humbën jetën në aksidentin tragjik të regjistruar mbrëmjen e djeshme në aksin Fushë Krujë-Vorë, në Fushë-Prezë.
Burime bëjnë me dije se kanë humbur jetën drejtuesi i automjetit tip “Mercedes Benz” Enejdi Laçi, 35 vjeç, vëllai i tij, i cili ndodhej pasagjer në automjet Erildi Laçi, 20 vjeç, si dhe dy pasagjerët e tjerë Enrikejd Kurti, 24 vjeç dhe Andi Laçi, 22 vjeç.
Automjeti me të cilin ata udhëtonin u përplas me një betoniere, ku pas aksidentit, mjeti iu shpërtheu në flakë. Drejtuesi i automjetit, shtetasi Aleksandër Krrashi, 24 vjeç, fillimisht u arratis në këmbë nga vendi i ngjarjes, por më vonë u kap nga Policia dhe u shoqërua në komisariat.
Mjeti “Mercedes Benz” u konstatua duke u djegur nga efektivët e shërbimit të qarkullimit rrugor rreth orës 23:50, dhe pranë saj edhe betonieren. Në vendin e ngjarjes shkoi një mjet zjarrfikës i Kamzës, por nuk e shmangu dot fatalitetin, pasi 4 të rinjtë ishin djegur brenda mjetit.
