Mbretëria e Bashkuar dhe Franca i kanë kërkuar presidentit rus Vladimir Putin të provojë se dëshiron një marrëveshje paqeje me Ukrainën, përpara bisedimeve mes Putinit dhe Donald Trump të martën.
Presidenti francez Emmanuel Macron përshëndeti “guximin” e Presidentit të Ukrainës Volodymyr Zelenksy për të rënë dakord për një propozim armëpushimi dhe sfidoi Rusinë të bënte të njëjtën gjë.
“Mjaft vdekje. Mjaft jetë të shkatërruara. Mjaft shkatërrim. Armët duhet të heshtin,” tha Macron në një postim në X.
Sekretari i Jashtëm i Mbretërisë së Bashkuar, David Lammy tha se Putini duhet të pajtohet me një “armëpushim të plotë dhe të pakushtëzuar tani”, duke u thënë deputetëve se nuk kishte parë “asnjë shenjë” se Putini ishte serioz për një marrëveshje paqeje.
Ai paralajmëroi se Mbretëria e Bashkuar dhe aleatët e saj kanë “më shumë letra që ne mund të luajmë” për të ndihmuar në detyrimin e Rusisë që të negociojë “seriozisht”.
Shtëpia e Bardhë dha një notë më optimiste në prag të bisedimeve Trump-Putin, të cilat do të zhvillohen me telefon, duke thënë se paqja në Ukrainë “nuk ka qenë kurrë më afër”.
