Gazetari Armand Shkullaku duke komentuar mesazhet e publikuara në media mes deputetes së Ramës, kryetares së Komisionit të Ligjeve në Kuvend, Klotilda Bushka me Nerueda Llagamin, u shpreh se në drejtësi janë të gjithë njerëzit e PS-së.
Shkullaku tha se Edi Rama dhe PS po marrin peng anëtarë të Gjykatës Kushtetuese për të akomoduar Llagamin me shokë, që u shërbyen më herët gjatë vetingut për të larguar të padëshiruarit.
“Që këta i kanë mbushur me gjykata, prokurori, KLP-ra, KLGj-ra që kanë komplet njerëzit e PS-së, kjo është e paimagjinueshme.
Po të them që biseda aty është për një vend pune dhe ajo ja kërkon Klotilda Bushkës vendin e punës, sepse Klotilda Bushka është kryetare e Komisionit të Ligjeve, njeri i afërt me Edi Ramën siç rezultoi dhe më mbrapa, dhe çdo emërim do të kalojë patjetër nga partia, se nuk emërohet pa kaluar te partia.
Fuqia e tyre është e jashtëzakonshme. E pe çfarë bënë me Gjykatën Kushtetuese, nxorrën Dvoranin ditë të shtunë në punë, nuk botuan dekretin e Presidentit në Fletoren Zyrtare.
Ditën që Kuvendi votoi zgjedhje e Arta Vorpsit anëtare e Gjykatës Kushtetuese, ambasada e SHBA ka bërë deklaratë dhe kjo Gjykatë po plotësohet dita ditës.
Pas 1 jave ja rrëzoi dhe Venecia dhe të gjithë, sepse ishte grabitje. Vetëm në Shqipëri ka ndodhur që të grabitet anëtari i Gjykatës Kushtetuese.
Ja vodhën Ilir Metës, doli ditë të diele në punë ai heroi i antikorrupsionit, dekretin e presidentit tha Rama mos e botoni në Fletore Zyrtare, nuk doli fare, nuk ka nevojë as të bëjë betim në presidencë, e çojmë të ura e Lanës, kemi një notere, bënë dhe një rregull që si të betohesh te noteri.
Nuk e kuptoj çfarë mund të ketë më të rëndë se kaq, për kapjen e drejtësisë, të marrësh peng.
Sot po marrin prap peng anëtar të Kushtetueses, për të akomoduar Llagamin me shokë. Shkon ai oficeri që e kemi presidenti çon dhe letër në Kushtetuese. Është mazhoranca që tenton ta ketë gjithë kohën nën kontroll.
Nuk ka shqiptar që nuk e di se Gjykata e Lartë kontrollohet 100% nga Rama”, tha Armand Shkullaku në SYRI TV.
