Pas pezullimit për shkak të kartonit të kuq të marrë në ndeshjen e barazuar me Elbasanin dhe mungesës në takimin e së hënës me Partizanin, Skënderbeu do të ketë në dispozicion për takimin e ardhshëm kundër Vllaznisë në transfertë edhe Randi Dumfur.
Ganezi u cilësua si një mungesë e rëndësishme në humbjen e fundit në Korçë dhe bashkimi i tij me grupin shihet si një armë më shumë në prapavijë për korçarët.
Pjesa tjetër e ekipit, veç dy dilemave të Bismark dhe Shaqes, është në dispozicion të trajnerit Gjoka për të vendosur më pas se cili do të jetë rreshtimi përfundimtar për ndeshjen e fundjavës në transfertë ndaj Vllaznisë.
