Në listat e hapura të kandidatëve të PD-së në 12 Qarqet e vendit të publikuara në media, emri i deputetes Orjela Nebijaj rezultonte në listën e hapur në Qarkun e Fierit. Ajo mori pjesë në Tiranë në procesin e Primareve, por zhgënjeu, duke mos arritur as kuotën minimale.
Por, deputetja demokrate përmes një postimi në rrjetet sociale, bën me dije se ka kërkuar vetë që të mos jetë kandidate në asnjë listë, duke përgënjeshtruar emrin e saj në Fier. Ajo thotë se e ka marrë këtë vendim për t’u lënë rrugë të rinjve dhe zonjave që e meritojnë.
“Une kam kerkuar te mos jem ne anje liste. As ne Tirane (ne respekt te primareve) as ne Fier. Sa per sqarim se dikush i ka lexuar gabim emrat. Jo si terheqje, por si vendim per ti lene rruge te rinjve dhe zonjave qe e meritojne me shume se une. Jam dhe do jem me PD. Suksese ekipit te fitores”, shkruan ajo.
