Gazetarja Klodiana Lala, ka komentuar dosjen “Babale”, të cilën e ka cilësuar të pahetuar, pasi nëse do të ishte bërë kjo, në burg nuk do të ishte ish-deputeti i PD, Ervin Salianji por persona të tjerë.
Lala tha se Gjykatat mund të aplikonte masa të tjera alternative për Salianijn për akuzës për kallëzim të rremë që rëndon daj tij.
“Forca e pushtetit e dërgoi rjedhën e hetimit në interes të Xhafajt dhe Ramës, nëse do të ishte hetuar “Babalja” do ishin personazhe më të lartë se Salianji. Geron Xhafa u largua me urgjencë nga Shqipëria dhe po vuan në Itali një dënim për drogën. Asnjëherë nuk u mësua se kush ishin ata zyrtarë të SHISH që përgjuan. Albert Veliu, nuk e dinin asnjë se ishte “Babalja”, atë e gjetën institucionet, palët e interesuar me forcën e pushtetit, e shkoqitën dhe e bënë të pabesueshëm. Babalja komunikonte me drejtues të lartë të policisë së shtetit”, tha Lala.
Sipas saj në sistemin e drejtësisë po përdoren dy standarde. Gazetarja tha se e shqetëson fakti se si qeveria Rama e manipuloi dhe e përdori çështjen e ish-deputetit.
“Mua më duket precedent shumë i rrezikshëm. Salianji mund të shkonte në shërbim prove, sepse nuk kam parë ndonjë standard tjetër që për kallëzim të rremë të shkojmë në burg. Ne bërtasim nga njëra anë që është represive masa e sigurisë për korrupsionin, pastrim parash e tjera me radhë, ndërkohë që nga ana tjetër kemi një pëson të dënuar për një kallëzim të rremë. A mund gjykata të aplikonte masa tjera alternative? Kush janë masat tjera? Shërbimin e provës, pezullimin nga ushtrimi i funksionit publik, puna në interes publik. Mund të shkonte Ervin Salanji dhe të shërbente ne bibliotekë një vit me radhë. Nuk më shqetëson fakti që ka një dënim, ajo që më shqetëson është forca e pushtetit dhe mënyra se si qeveria e përdori dhe e manipuloi atë çështje“, tha Klodiana Lala.
