Barcelona e ka mbyllur në avantazh 3-1 pjesën e parë ndaj Benficas. Sfida nisi shumë vrullshëm, ku u shënuan 2 gola për dy minuta.
Në minutën e 10-të, një aksion i bukur i katalanasve, Lamine Yamal tregon se nuk është nga ky “planet”, adolshenti spanjoll asiston shumë bukur për Raphinha-n, braziliani nuk e ka aspak të vështirë të dërgojë topin në rrjetë.
Benfica nuk dorëzohet dhe barazon shifrat shumë shpejtë. Otamendi u tregua i saktë me kokë, duke barazuar shifrat pas krosimit të ardhur nga goditja e këndit.
Megjithatë Yamal riktheu sërish në avantazh vendasit. Pas super asistit që dha në golin e parë, tani djaloshi spanjoll shënon vetë.
Pasi bëri një lëvizje të bukur nga këndi anësor, Yamal dërgon topin në rrjetë në mënyrë spektakolare, duke ngritur në këmbë gjithë tifozët e pranishëm në stadium, të cilët duartrokasin klasin e treguar nga spanjolli.
Në minutën e 42-të Raphinha shënoi golin e dytë personal dhe të tretin për skuadrën duke dërguar skuadrën në dhomat e zhveshjes me një rezultat të konsiderueshëm
Kujtojmë që Barcelona vjen në këtë taim pas fitores 0-1 në Lisbonë ndeshjen e parë
