Ish-ministri socialist i Financave, Arben Malaj foli sot në News 24 për mënyrën se si Edi Rama po menaxhon qeverinë dhe fushatën elektorale për zgjedhjet e 11 Majit.
Malaj tha se Rama merr vendime personale dhe emocionale, ndërsa nuk la pa përmendur investimin 4 mln dollarë të qeverisë për kopshtin “Eden” brenda godinës së Kryeministrisë.
Lidhur me këtë Malaj tha se i dhemb në shpirt kur sheh që Rama investon 4 milion dollarë për kopshtin në kryeministri, ndërkohë që fëmijët në Panaja dhe Kërkovë nuk kanë ujë për të pirë.
” Më dhemb kur Rama investon 4 milion dollarë për kopshtin Eden dhe loz atje me peshqit, ndërsa fëmijët e vegjël të Panaja dhe Kërkovës nuk kanë ujë për të pirë.Rama merr vendime emocionale dhe personale. Thotë që është personale, çdo gjë është personale te pjesa ligjore por jo te pjesa politike. Problemi është të mos i zgjidhësh në mënyrë individuale dhe pastaj meqë nuk ke dardha te kopshti Edenit tw thuash që ata hanë dardha prapa kurrizit tim, po le të bëjë një kopësht me dardha përpara kryeministrisë e të mos ti hajë njeri nga pas. Sa të hanë kokrrën e pare, ky ti kapë”, tha Arben Malaj.
