Prej kohësh, Barcelona është vënë në kërkim të një portieri të ri dhe në lupën e katalanasve ka përfunduar dhe Andriy Lunin, portieri i Real Madrid.
Sipas Defensa Central, gjatë një takimi me Jorge Mendes, Joan Laporta është interesuar për situatën e Lunin te “Los Blancos” duke shpreur interesin për mundësitë për një transferim që do të ishte historik mes dy klubeve, por përgjigjja e menjëhershme e kampit madrilen ka qenë refuzimi kategorik.
Real Madrid e sheh ukrainasin si zëvendësuesin ideal të Courtois, kontrata e të cilit skadon në vitin 2026. Klubi madrilen nuk e mendon fare largimin e Lunin dhe aq më tepër të lejojë transferimin e tij te rivali historik.
Në këtë situatë, kjo tentativë e Barcelonës për të provuar goditjen surprizë mbyllet këtu, katalanasit duhet të ndjekin alternativa të tjera për të gjetur portierin e ri aq shumë të kërkuar.
