Një ngjarje e rëndë është shënuar mbrëmjen e kësaj të shtune në Kamëz, ku një 2-vjeçar është përplasur nga një automjet.
Edhe pse familjarët e kanë dërguar për mjekim në spitalin e Traumës, i mituri nuk ka mundur ti mbijetojë plagëve të marra dhe ka ndërruar jetë.
“Rreth orës 17:30, në Spitalin e Traumës, familjarët kanë dërguar për mjekim një të mitur rreth 2 vjeç, të cilin e ka aksidentuar në Kamëz një automjet me drejtues ende të paidentifikuar.
Si pasojë i mituri ka ndërruar jetë në spital”, thuhet në njoftimin e policisë.
Ndërsa grupi hetimor po punon për sqarimin e plotë e rrethanave të rastit.
