Pritjes duket se i ka ardhur fundi. Pas disa muajsh negociata, tashmë mund të konsiderohet zyrtare: Joshua Kimmich do të vijojë të mbajë veshur fanellën e Bayernit të Mynihut.
Skuadra bavareze po rinovon kontratat me disa nga lojtarët më të rëndësishëm të skuadrës. Pas Alphonso Davies dhe Jamal Musiala, rekordmenët e Gjermanisë kanë gjetur gjuhën e përbashkët për zgjatjen e bashkëpunimit edhe me Joshua Kimmich.
Situata me Kimmich ishte jashtëzakonisht e dyshimtë për një kohë për shkak të raportimeve të mosmarrëveshjeve në lidhje me pagën. Megjithëse më vonë ai sqaroi se nuk bëhej fjalë për paratë dhe se ai dhe Max Eberl kishin bisedime të qarta dhe se asgjë nuk ishte përfundimtare.
Raportet e mëparshme nga Sky Sport përfshinin një ofertë nga Paris Saint Germain – një kontratë deri në vitin 2029 me një pagë të panjohur por me siguri të madhe. Përveç gjigantëve parisien, interesim është raportuar edhe për klubin e Premierligës, Arsenal FC.
Joshua Kimmich mund të qëndrojë i sigurt: aventura e tij me Bayernin do të vazhdojë edhe në vitet e ardhshme. Mbrojtësi gjerman ka gjetur një marrëveshje me klubin bavarez siç raporton Bild për rinovimin deri në vitin 2029. Mungon vetëm zyrtarizimi, që pritet të vijë në ditët në vazhdim.
