Presidenti Donald Trump ka paralajmëruar sanksione dhe tarifa të reja ndaj Rusisë, pas një vale sulmesh gjatë natës në Ukrainë.
Trump shprehet se sanksionet dhe tarifat ndaj Rusisë parashikohen të jenë në fuqi deri sa të arrihet një armëpushim dhe marrëveshja përfundimtare për paqe.
Ndër të tjera ai u ka bërë thirrje palëve të ulen për bisedime, para se të jetë shumë vonë.
“Bazuar në faktin se Rusia po godet absolutisht Ukrainën në fushën e betejës tani, unë jam duke konsideruar fuqimisht sanksione bankare në shkallë të gjerë, sanksione dhe tarifa ndaj Rusisë deri sa të arrihet një armëpushim dhe marrëveshja PËRFUNDIMTARE PËR PAQE. Për Rusinë dhe Ukrainën, uluni në tryezë tani, para se të jetë tepër vonë. Faleminderit!!!”, thotë Trump.
