Gazetari Klodian Tomorri shprehet se Edi Rama ka vendosur ta mbyllë Tik Tok-un për arsye politike.
Tomorri thotë se Rama nuk ka hallin e sigurisë së të miturve, apo se mund të keqpërdoret nga krimi, por ka hallin e llogarive elektorale.
Tomorri shprehet se Rama, mediat kombëtare i ka nën kontroll pasi u hedh kocka, koncesione dhe i blen, e ato që i nuk i blen i kërcënon dhe penalizon, ndërsa Tik Tok është një dritare e re që ka sjellë zhvillimi teknologjik dhe nuk mund ta kontrollojë, prandaj ai shkon në një vendim drastik për mbylljen absolute.
“Çudia e parë është mënyra se si arriti qeveria në këtë vendi. Rama thotë se ka konsultuar 65 mijë prindër dhe nuk e di se, ku i ka mbledhur ai prindërit, sepse ai praktikisht këto vendimet radikale që merr herë pas here, nxjerr këtë argumentin se e kemi konsultuar.
Ne legalizuam dhe kanabisin, me platformën e bashkëqeverisjes dhe aty tha kanë votuar 300 e ca mijë, i nxjerr vetë se, vetë i numëron dhe kontrollon. Tani paska konsultuar 65 mijë prindër dhe këta i paskan thënë, njëzëri që po mbylle tik tokun.
Që këtu duket se kjo është një sajesë e madhe.
Cilat janë arsyet që Rama shkon në një vendim të tillë.
Ti e the se jemi gazetar dhe nuk i besojmë rastësitë. Fakti që vjen në fillim të fushatës elektorale, tregon se kryeministri ka arsye të tjera, nuk ndihet i sigurtë në efektet që kjo platformë sociale ka në llogaritë e tij elektorale.
Sepse me mediat e tjera e ka kollaj, me mediat kombëtare i ka nën kontroll se u hedh kocka, koncesione dhe i blen, e ato që i nuk i blen i kërcënon dhe penalizon, siç e kemi parë tashmë.
Tik Tok është një dritare e re që ka sjellë zhvillimi teknologjik dhe nuk mund ta kontrolloj dhe shkon në një vendim drastik për mbylljen absolute, të një platforme siç është Tik Tok.
Ne kemi parë që të gjitha vendet demokratike, qeveritë e përgjegjshme kudo në botë, marrin masa proporcionale. Askush nuk e ka mbyllur Tik Tok, por kanë vënë filtra.
Ky nuk ka shqetësim apo problem të vërtetë sigurinë e të miturve, apo se tik tik mund të keqpërdoret. Ky nuk i ka problem ato, ky ka hallin e vet, bën llogaritë e veta elektorale, që tani më duhet ta mbyll, qoftë edhe për atë pak avantazh që mund ti japë opozitës, qoftë dhe për ta hedhur si shashkë në kulmin e fushatës që njerëzit të merrem me të.
Ne e dimë se çfarë ndodh me qeverisjen, se si ikin miliardat me marrëveshjet e dyshimta, se si prokurohen projekte të çuditshme që ngjizen në Arabi, vijnë në Shqipëri dhe përlahen 120 mln euro me një të rënë të lapsit. E kështu, e kështu sa e sa skandale të tjera që qeveria i prodhon përditë”- tha Tomorri në “Task Force” në Syri TV.
