Një banesë është përfshirë nga zjarri mbrëmjen e djeshme në Bulqizë, duke vënë në rrezik jetën e personave që jetonin brenda saj.
Ngjarja raportohet të ketë ndodhur në fshatin Fushë Bulqizë në banesën e shtetasve L. D. dhe S. D., të cilët fatmirësisht raportohet të kenë dalë nga shtëpia pa lëndime.
Shkaku i rënies së zjarrit dyshohet të ketë qenë amortizimi i rrjetit elektrik të objektit, ndërkohë që policia e ka referuar ngjarjen si aksidentale.
