Prej vitesh, Serie A është kthyer në burimin kryesor për Kombëtaren, por pak përpara startit të kualifikueseve të Botërorit, lajmet që vijnë nga përtej Adriatikut nuk janë shumë pozitive.
E sigurt është që Elseid Hysaj nuk do të jetë në dispozicion të Sylvinho-s për dy takimit e para, kundër Anglisë dhe Andorras. Anësori kuqezi pësoi një dëmtim muskulorë që e detyron të qëndrojë afro një muaj jashtë fushës së lojës.
Shqetësuese është edhe situata me kapitentin Berat Gjimshiti. Qendërmbrojtësi kuqezi pësoi një dëmtim në kavilje gjatë takimit kundër Empolit. Në pritje të ekzaminimeve më të detajuara, Sylvinho kryqëzon gishtat të ketë në dispozicion liderin e mbrojtjes për përballjen me Anglinë.
Shqetësues është fakti që edhe qendërmbrojtësi tjetër Ardian Ismajli nuk është rikuperuar. Nuk ishte i pranishëm as në sfidën e fundit kundër Atalantës.
Nuk janë në kushte perfekte as dy mesfushorët e Lecces, Medon Berisha dhe Ylber Ramadani, me këtë të fundit që po aktivizohet pak, ndërsa Berisha sapo është rikthyer nga një dëmtim i gjatë. Për Asllanin diskutimi është i njëjtë, vijon sezonin me ulje ngritje të forta.Ai nuk aktivizohet në mënyrë konstante nga Inzaghi por mbetet zgjedhja e parë e Çalhanoglu.
