Detaje të reja kanë dalë në dritë për shpërthimin me eksploziv që u regjistrua në orët e para të mëngjesit në Orikum.
Bëhet me dije se sasia e tritolit është vendosur në një prej pallateve që gjendet në shëtitoren e Orikumit, pas një biznesi në zonë ku njëkohësisht është edhe hyrja e pallateve që jetojnë edhe disa familje.
Shenjat nga shpërthimi janë ende të freskëta në vendngjarje. Një tubo e çarë e ujit dhe gjithashtu xhama të thyer gjenden përtokë.
Sipas informacioneve një person i vetëm i maskuar ka vendosur tritolin dhe është larguar.
Nga shpërthimi ka pasur vetëm dëme materiale.
