Autoritetet policore në Berlin të Gjermanisë i janë sekuestruar mbi 800 litra vaj ulliri kontrabandë.
Mediat gjermane raportojnë se shqiptari u ndalua për një kontroll rutinë doganor në daljen Späthstraße më 9 shkurt, teksa po ngiste fugonin e tij të bardhë “Mercedes” në autostradën e qytetit.
Në hapësirën e ngarkesës së furgonit, hetuesit doganor gjetën 828 litra vaj ulliri në 64 bidona nga rreth 13 litra secila. Ai nuk kishte dëshmi të importit për këtë dhe kjo tregonte se vaji nuk ishte taksuar.
Për atë sasi do të ishte paguar një taksë doganore rreth 1000 euro. Tashmë një çështje penale tatimore pret fermerin shqiptar të ullirit, i cili ishte nisur për në Bremen për të shitur vajin.
Zyrtarët e sekuestuan vajin e ullirit. Raportohet se shqiptari u lejua të vazhdonte të drejtonte makinën në këmbim të një depozite sigurie prej 1,500 euro për të mbuluar shpenzimet ligjore dhe konfiskimin
Media raporton se vaji i ullirit është i shtrenjtë këto ditë në Gjermani. Prodhimi i dobët dhe dëmtimet nga infektimet në Spanjë, Greqi dhe Itali kanë rritur çmimet për vajin popullor të gatimit. Mesatarisht, çmimi i shitjes me pakicë është dyfishuar.
Doganat zbatohen edhe për importin e vajit të ullirit: përveç taksës së shitjes prej shtatë për qind për litër, paguhen 122,60 euro për 100 kilogramë vaj ulliri.
