Komisioni Qendror i Zgjedhjeve ka regjistruar 15 partitë e para politika për zgjedhjet eparlamentare të 11 Majit.
Mbledhja e sotme zgjati vetëm pak minuta, teksa Komisioneri Shtetëror i Zgjedhjeve, Ilirjan Celibashi miratoi të gjitha kërkesat e forcave politike që kishin depozituar dokumentacionin për të qenë në garë.
Sipas KQZ-së, të gjitha partitë politike kishin dorëzuar dokumentacionin e plotë, duke nisur nga vërtetimi i lëshuar nga Zyra e Regjistrit të Partive Politike, pranë Gjykatës së Rrethit Gjyqësor e deri te deklarata e angazhimit solemn me firmën e kryetarit të partisë.
Mes partive të regjistruara, janë ato kryesoret Partia Demokratike dhe ajo Socialiste, po ashtu edhe Partia e Lirisë, ku duket se Ilir Meta e ka hedhur firmën nga paraburgimi i “313-tës” për të marrë pjesë në garën e 11 Majit.
Gjithashtu, janë regjistruar dhe disa prej partive të vogla të vjetra, si dhe disa prej partive të reja, si “Shqipëria Bëhet” e Adriatik Lapajt, “Mundësia” e Agron Shehajt, “Lëvizja Bashkë” e Arlind Qorit, etj.
Komisioni Qendror i Zgjedhjeve pritet që në ditët në vijim të mblidhet sërish, pasi afati për regjistrim nuk ka përfunduar ende dhe në zyrën e Celibashit kanë mbërritur kërkesa të tjera.
LISTA ME PARTITË E REGJISTRUARA
- Partia Shqipëria Bëhet me kryetar Adriatik Lapaj
- Partia Nisma Thurje me kryetar Endrit Shabani
- Partia Lëvizja Bashkë me kryetar Arlind Qorin
- Partia Mundësia me kryetar Agron Shehajn
- Partia Demokristiane me kryetar Nard Ndoka
- Partia Lëvizja Legalitetit me kryetar Shpëtim Axhami
- Partia Kristiandemokrate e Shqipërisë me kryetar Dhimitër Muslia
- Partia Kombëtare Konservatore Albania me kryetar Kujtim Gjuzi
- Partia Demokratike e Shqipërisë me kryetar Sali Berishën
- Partia Aleanca Demokristiane e Shqipërisë me kryetar Zef Bushati
- Partia Balli Kombëtar Demokrat me kryetar Artur Roshin
- Partia Bashkimi Demokrat Shqiptar me kryetar Ylber Valteri
- Partia Balli Kombëtar me kryetar Adriatik Alimadhi
- Partia e Lirisë me kryetar Ilir Metaj
- Partia Socialiste e Shqipërisë me kryetar Edi Ramën.
