Kryeministri Edi Rama tha se çështja e Erion Veliajt i takon drejtësisë dhe jo PS.
Në fjalën e tij para punonjësve të bashkisë, Rama tha se Tiranën moderne me kulla e bëri ai.
Rama deklaroi se “Nuk më takon mua të them nëse Lali Eri është i pafajshëm apo fajtor”.
“Ama, përtej kësaj çështje specifike që është e drejtësisë dhe jo e jona, askush dhe asgjë, asnjë buf dhe asnjë specie nuk e mbulon dot me shoshën e blozës së llumit diellin e transformimit të Tiranës tonë. Pa mua që e nxora nga koma dhe e ngrita në këmbë me mbështetjen e pakursyer të popullit të Tiranës dhe PS
Kurrë nuk bëhej Tirana ku në 16 maj do të mblidhen udhëheqësit e BE dhe të NATO-s. Kënata thotë se Tiranën moderne e bëri koha, ndërsa përmbytjet apo gjithçka tjetër që nuk shkon e bëri PS.
Tiranën moderne e bëmë ne, Tiranën moderne e bëra unë, e bëri lali Eri, e bëtë ju. E bënë të gjitha ata që në 24 orë për vite me radhë që Tirana të gdhihet e pastër. Kur bashkinë e mori këneta, koha ngeci dhe kryeqytetit filloi të marrë erën e kazanëve të plehrave”, tha Rama.
Dhjetëra punonjës të Pastrim-Gjelbërimit të Bashkisë së Tiranës dhe makina trasporti të bashkisë u angazhuan për orë të tëra në rreshtimin e rreth 7 mijë karrigeve në një pjesë të Sheshit Skënderbej, ku kryeministri Edi Rama mësohet të ketë thirrur administratën e bashkisë në një manifestim.
Arsyet e organizimit nuk janë bërë të ditura as nga Bashkia e Tiranës dhe as nga Kryeministria, por ky manifestim thirret dhjetë ditë pas arrestimit të kryebashkiakut Erion Veliaj, me akuzat e korrupsionit e pastrimit të parave.
