Dy operacione janë zhvilluar ditën e sotme (19 shkurt) nga policia e Vlorës dhe Forcat Operacionale, ndaj personave të kërkuar, me rrezikshmëri të lartë shoqërore apo grupeve kriminale.
Tre persona janë arrestuar, një u shpall në kërkim dhe dy janë marrë nën hetim, teksa u zbuluan 2 shtëpi bari në lagjen “24 Maji”, armë pa leje, pajisje të sofistikuara për kultivim dhe makinë e blinduar.
Operacioni ‘Danger’
Mes të arrestuarve edhe një emër i njohur për uniformat blu. Ai është Endrit Sadedini, 38 vjeç, i cili prej pak ditësh kishte ardhur në Vlorë, pasi më herët ka qenë duke vuajtur dënimin në një shtet tjetër.
Gjatë kontrolleve rutinë në qytet, policia i ka bërë shenjë që të ndalonte, por Sadedini ka tentuar të largohet, duke nxjerrë armën ndaj forcave të rendit, por ai u ndalua para se të mund të hapte zjarr.
Gjatë kontrollit, u gjet dhe u sekuestrua një pistoletë me një karikator të mbushur me municion luftarak.
“Shtetasi Endrit Sadedini, në momentin që pa shërbimet e Policisë, tentoi të largohej dhe iu ka drejtuar armën e zjarrit shërbimeve të Policisë, por s’ka mundur të qëllojë apo të largohet, pasi, falë profesionalizmit të forcave të Policisë, është bërë e mundur neutralizimi dhe arrestimi i tij. Gjithashtu, në lidhje me këtë ngjarje është proceduar në gjendje të lirë për moskallëzim krimi shtetasi M. Sh., 33 vjeç, i cili lëvizte bashkë me 38-vjeçarin, tashmë të arrestuar”, njoftoi policia.
- Endrit Sadedini emër i njohur për policinë
I riu, nuk është një figurë e panjohur për drejtësinë, pasi Sadedini ka një histori të gjatë përplasjesh me ligjin dhe i ka mbijetuar dy atentateve të bujshme. Në vitin 2021, ai mbeti i plagosur rëndë pas një shpërthimi me tritol në hyrje të garazhit të pallatit ku banonte.
Dyshohet se bomba ishte vendosur 15 minuta para atentatit. Kamerat e sigurisë fiksuan autorin e dyshuar të ngjarjes që mbante në kokë një kapuç dhe maskë kirugjikale në fytyrë. Autori kishte mbuluar sasinë e tritolit me një kuti kartoni, buzë bordurës hyrëse të garazhit të pallatit. Për pasojë Sadedini u plagos rëndë dhe mbeti me dy këmbët e gjëtuara.
Një atentat i mëparshëm kundër tij ndodhi në vitin 2017, kur një sasi prej 500 gramësh eksploziv u gjet e vendosur në pjesën e përparme të makinës së tij. Fatmirësisht, ai arriti ta dallonte në kohë dhe të njoftonte policinë, duke i shpëtuar shpërthimit.
Po në vitin 2017, një person mbeti i vrarë dhe 3 të tjerë u plagosën në një lokal që ishte në pronësinë e tij.
Gjatë aksionit ‘Danger’ mësohet se Endrit Sadedini i ka drejtuar armën policisë, por pa shkaktuar qitje dhe lëndime, teksa u neutralizua.
“Bazuar në informacionet e inteligjencës policore dhe pas një operacioni të mirëkoordinuar, shërbimet operacionale bënë të mundur lokalizimin, neutralizimin dhe kapjen e shtetasit E. S., 38 vjeç (Endrit Sadedini), person me precedentë penalë të theksuar, i arrestuar dhe i hetuar më parë nga autoritetet e huaja për vepra penale të rënda në fushën e krimeve kundër personit. Gjithashtu, në lidhje me këtë ngjarje është proceduar në gjendje të lirë për moskallëzim krimi shtetasi M. Sh., 33 vjeç, i cili lëvizte bashkë me 38-vjeçarin, tashmë të arrestuar”, njofton policia.
- Operacioni “Indoor”
Bëhet me dije se janë ndaluar 3 persona dhe janë gjetur dy banesa shtëpi bari, me llamba dhe pajisje të sofistikuara për kultivimin e tyre.
Gjithashtu janë sekuestruar gjatë operacionit ‘Indoor’ edhe 780 bimë kanabis sativa, ku 482 prej tyre janë kubikë, si dhe mjete e sende të tjera, me 2 të arrestuar dhe një në kërkim.
“Po gjatë operacionit, në këtë ambient u gjet dhe u arrestua në flagrancë shtetasi A. L., 24 vjeç, lindur në “Përlat”, Mirditë, dhe banues në Lezhë. Ky shtetas dyshohet se kujdesej për bimët e kultivuara dhe siguronte kushtet e nevojshme për mirëmbajtjen e tyre. Në vijim të veprimeve hetimore, është identifikuar dhe shpallur në kërkim shtetasi I. K., 24 vjeç, banues në Fier, i cili dyshohet se e kishte marrë këtë ambient me qira, Policia vijon kontrollet për lokalizimin dhe kapjen e tij. Gjatë operacionit, në vijim të kontrollit të ushtruar në këtë objekt, në një banesë në katin e tretë, të marrë me qira nga shtetasi E. L., 35 vjeç banues në Vlorë, shërbimet gjetën dhe sekuestruan një sasi lënde narkotike kanabis. Në vijim të veprimeve, poseduesi i lëndës narkotike u arrestua në flagrancë”, bëri me dije policia dia nga detajet.
- Pamje nga aksioni i policisë
- Çfarë sekuestroi policia?
Policia gjeti në katin e parë të një objekti trekatësh dy ambiente të përshtatura për kultivimin e bimëve narkotike ku u q, 482 prej të cilave ishin të mbjella në kubikë.
Lartësia e këtyre bimëve arrinte në një lartësi 90-110 cm. Policia ka sekuestruar gjithashtu 80 llamba të fuqishme ndriçimi, 8 aspiratorë për ajrosjen e ambientit, 80 transformator, medikamente, plehra kimike dhe pajisje të tjera të specializuara për rritjen e bimëve narkotike në ambiente të mbyllura.
Në kuadër të operacionit u arrestua një 24-vjeçar i cili dyshohet se kujdesej për bimët e kultivuara dhe siguronte kushtet e nevojshme për mirëmbajtjen e tyre. Gjithashtu është shpallur në kërkim në tjetër 24-vjeçar i cili dyshohet se e kishte marrë këtë ambient me qira.
Gjate kontrollit nga forcat operacionale Vlorë, Sadedinit iu sekuestrua dhe mjeti i blinduar, si dhe një armë zjarri.
“Po gjatë operacionit, në këtë ambient u gjet dhe u arrestua në flagrancë shtetasi A. L., 24 vjeç, lindur në “Përlat”, Mirditë, dhe banues në Lezhë. Ky shtetas dyshohet se kujdesej për bimët e kultivuara dhe siguronte kushtet e nevojshme për mirëmbajtjen e tyre. Në vijim të veprimeve hetimore, është identifikuar dhe shpallur në kërkim shtetasi I. K., 24 vjeç, banues në Fier, i cili dyshohet se e kishte marrë këtë ambient me qira, Policia vijon kontrollet për lokalizimin dhe kapjen e tij. Gjatë operacionit, në vijim të kontrollit të ushtruar në këtë objekt, në një banesë në katin e tretë, të marrë me qira nga shtetasi E. L., 35 vjeç banues në Vlorë, shërbimet gjetën dhe sekuestruan një sasi lënde narkotike kanabis. Në vijim të veprimeve, poseduesi i lëndës narkotike u arrestua në flagrancë”, njofton policia.
Drejtori i Drejtorisë Vendore të Policisë Vlorë, Eldion Çela, zbuloi detajet e aksionit në një konferencë për shtyp ditën e sotme.
“Bazuar në informacionet e inteligjencës policore dhe pas një operacioni të mirëkoordinuar, shërbimet operacionale bënë të mundur lokalizimin, neutralizimin dhe kapjen e shtetasit E. S., 38 vjeç, person me precedentë penalë të theksuar, i arrestuar dhe i hetuar më parë nga autoritetet e huaja për vepra penale të rënda në fushën e krimeve kundër personit. Gjatë kontrollit të ushtruar ndaj tij, Policia gjeti dhe sekuestroi një armë zjarri pistoletë, së bashku me një karikator me municion luftarak”, u shpreh Drejtori i Policise se Vlores, Elidon Çela.
