Shoqëria civile, “Nisma Thurje” e Endri Shabanit gjithashtu edhe “Shqipëria Bëhet” e Adriatik Lapajt, janë bashkuar sot para SPAK në shenjë soliditeti për ketë institucion pas arrestimit të Veliajt, në dyshimet të veprës penale të korrupsionit dhe të pastrimit të parave.
Ata kërkojnë mbështetje për SPAK, pasi sipas tyre është SPAK po godet, siç e quajnë ata aleancën e qelbësirave.
“Jemi këtu për të mbështetur SPAK-un. Edi Rama doli haptazi duke sulmuar SPAK. Rama po prish provat, po intimidon dëshmitarët, ka shkuar në zyrën e Bashkisë dhe ka uzurpuar pushtetin vendor, ka dalë nga shinat. SPAK ka mbështetjen e popullit shqiptar.
Kushdo që vjedh popullin shqiptar e ka vendin te burgu 313, te burgu i Durrësit, te burgu i Elbasanit. Askush mos të sy
Pas protestës së militantëve socialistë ditën e djeshme, Shabani dhe Lapaj janë bërë së bashku për të zhvilluar një anti-miting në mbështetje të SPAK dhe GJKKO.
Kryetari i Nismës Thurje, Endri Shabani në fjalën e tij në tubimin e qytetarëve pro SPAK, deklaroi se Rama sulmoi dje SPAK, duke “dalë nga shinat”.
Shabani theksoi se Prokuroria e Posaçme ka mbështetjen e popullit shqiptar. Ai tha se njerëzit e ligjit nuk do të lihen të vetëm.
Endri Shabani: “Jemi këtu për të mbështetur SPAK-un. Edi Rama doli haptazi duke sulmuar SPAK. Rama po prish provat, po intimidon dëshmitarët, ka shkuar në zyrën e Bashkisë dhe ka uzurpuar pushtetin vendor, ka dalë nga shinat. SPAK ka mbështetjen e popullit shqiptar. Kushdo që vjedh popullin shqiptar e ka vendin te burgu 313, te burgu i Durrësit, te burgu i Elbasanit. Askush mos të synojë politikën për të vjedhur popullin shqiptar”
Kurse kryetari i partisë ‘Shqipëria bëhet’ Adriatik Lapaj, në fjalën e mbajtur në tubimin qytetar pro SPAK, tha se ka një aleancë të ndyrë politike kundër drejtësisë.
Lapaj theksoi se njerëzit e ligjit nuk do të lihen vetëm. Ai shtoi se duhet ndërtuar një shtet, ku çdokush që ka probleme me ligjin, duhet të përgjigjet.
Adriatik Lapaj: “Këtu ka një aleancë të ndryë kundër ligjit. Prandaj, ne i japim kurajo çdo njeriu të ligjit që shoqëria nuk i lë vetëm. Duhet të ndërtojmë një shtet, ku njerëzit të përballen me ligjet. As nuk linçohen njerëzit, por as nuk linçohet drejtësia. Në çdo rast duhet që njerëzit të përballen me institucionin. Duhet të ndërtojmë institucione. Nuk mundet që institucionin ta sulmosh kaq egër”
Nderkohe Pano Soko nga Nisma Thurje, në fjalën e tij në tubimin qytetar pro SPAK, deklaroi se i vjen keq për faktin që ka një sulm frontal kundër Prokurorisë së Posaçme.
Soko theksoi se Edi Ramës i duhet pushteti më 2025 që të shkrijë SPAK-un. Ai tha se Rama nuk ka hallin e njerëzve, por si të shpëtojë nga drejtësia.
Pano Soko: “Ka sulm frontal ndaj SPAK. Ramës i duhet pushteti më 2025 për të shkrirë SPAK-un. Drejtësia mund të ketë probleme. SPAK përgjigjet për 5000 veta. Prokuroria përgjigjet për gjithë qytetarët e tjerë. Askush nuk kujtohet për atë institucionin tjetër. Kryeministri nuk u mendua për qytetarin që kush ia dërgon atij fëmijët në shkollë. Kryeministri nuk e ka hallin tek njerëzit. I prishët puna vetëm për SPAK, sepse SPAK është për atë vetë. Çdokush që ka marrë dje pjesë.”
