Në merkaton e janarit Partizani arriti të bëjë disa lëvizje të mëdha në letër, ku ai që bie më së shumti në sy është Blesing Eleke, një sulmues me karrierë shumë të pasur dhe me karakteristika që mund të bëjnë diferencën në kampionatin tonë.
Por më të mbërritur ai ka pësuar një dëmtim muskulor që ka shtyrë debutimin e tij me fanellën e kuqe. Eleke nuk luan një ndeshje zyrtare prej më shumë se gjashtë muajsh dhe kjo me siguri do të ndikojë në debutimin akoma më të vonë të tij me fanellën e kuqe.
Një tjetër lojtar që nuk ka debutuar është Mateo Çipi. I riu nuk është përfshirë as në protokollin e ndeshjeve. Ndërkohë, së shpejti pritet të debutojë edhe i rikthyeri David Atanaskoski.
