Një derbi kaotik u zhvillua ditën e djeshme në “Arena e Demave”, i cili filloi me sherrin e tifozëve ndërsa përfundoi me përleshjen e futbollistëve dhe stafeve teknike pas golit të Partizanit në minutën e 90-të.
Gjyqtari Hamiti e nxorri 7 herë kartonin e kuq për lojtarët e Partizanit dhe Tiranës.
Marku, Gjumsi, Mici dhe Kozi iu drejtuan dhomave të zhveshjes nga Tirana. Në anën tjetër Gudjufi, Bytyçi dhe Taipi bënë të njëjtën gjë pasi panë kartonin e kuq.
Të gjithë këto përkthehen me mungesa të rëndësishme në javën pasardhëse. Kujtojmë se Partizani udhëton në transfertën e Egnatias, ndërsa Tirana pret Skënderbeun. Të dyja sfida delikate për secilën skuadër.
Si të mos mjafton kartonët e kuq, lojtarë të Tiranës dhe Partizanit do të mungojnë dhe për shkak plotësimi kartonësh. Bardheblutë nuk do të kenë po ashtu shërbimet e Përgjonit dhe Ndrecës, që u ndëshkuan me karton të verdhë gjatë ndeshjes.
