Gjatë takimit me diasporën në Romë, kreu i PD-së Sali Berisha, ka deklaruar se çdo shqiptar që e ndjen veten patriot duhet të ngrihet kundër qeverisë.
Berisha akuzoi Ramën se ka përzënë 45% të popullit për 10 vite dhe shtoi edhe se një mandat i katërt dhe Shqipëria nuk do të ekzistojë.
ish-kryeministri u bëri thirrje shqiptarëve të votojnë më 11 maj.
“Rreziqet tona janë ekzistenciale. Çdo shqiptar duhet ta dje se një mandat i katërt për Edi Ramën, i cili në 10 vite përzuri nga Shqipëri, 45% të shqiptarëve, në një mandate tjetër, Shqipëria nuk do të ekzistojë. Do shndërrohet në trokën e kriminelëve, bandave, do shuhet nga faqja e dheut. Nuk do ta pranojmë kurrë një gjë të tillë”, tha Berisha.
Deklarata e plotë:
Sot, kryetari i qeverisë, mund të quhej, në mënyrë absolute, Toto Rinna, El Chapo, Edi Ram ua ka dorëzuar Shqipërisë krimin. Edi Rama përdor krimin për të mposhtur shqiptarët në interesin e tij.
Sot Toto Riina shqiptar në krye të qeverisë, shumëzon me zero qytetarët shqiptarë, pronat, pasuritë dhe çdo gjë tjetër e ndan me trafikantët, me kriminelë, me klanet e tij.
Rreziqet e sotme të Shqipërisë janë ekzistenciale. Na ka ndodh që të gjitha rreziqet janë mëshiruar në një njeri.
Rreziqet tona janë ekzistenciale. Çdo shqiptar duhet ta dje se një mandat i katërt për Edi Ramën, i cili në 10 vite përzuri nga Shqipëri, 45% të shqiptarëve, në një mandate tjetër, Shqipëria nuk do të ekzistojë. Do shndërrohet në trokën e kriminelëve, bandave, do shuhet nga faqja e dheut. Nuk do ta pranojmë kurrë një gjë të tillë.
Sot çdo shqiptar që e ndjen veten patriot duhet të ngrihet kundër këtij qeveritari që po shkatërron farën tonë, kombin tonë.
Thirrja ime për çdo shqiptar, mos harro kurrë se ke lindur për të dashur dhe mbrojtur Shqipërinë dhe sot kjo thirrje është që më 11 maj të votojnë për të shpëtuar Shqipërinë nga kthetrat e këtij Pashiqi që s’ka asgjë shqiptare.
Rreziku tjetër, është ekstremizmi i majtë. Në Shqipëri filloi beteja kundër familjes, filloi prindi 1, prindi 2. Solli në Parlament ligjin për të krijuar fermat e grave. Janë realitet në Shqipëri, sepse Edi Rama e shndërroi Shqipërinë në kopshtin e Soros.
U përpoqën të na shfarosnin, për një Shqipëri pa opozitë, mirëpo ne e dinim që Shqipëria pa opozitë nuk duhet të ekzistojë. Ndaj nuk u dorëzuam, ndaj me besim të madh shkojmë drejt fitores.
Ka gjëra tokësore, ka edhe gjëra hyjnore. Në këtë kontekst, dy mrekulli sa tokësore dhe hyjnore ndodhën. Mrekullia e parë ishte fitorja e Donald Trump në SHBA.
