Dy persona të moshës 25 dhe 37-vjeçare, janë arrestuar nga policia pasi akuzohen se kanë vjedhur një automjet.
Policia bën me dije se dy të arrestuarit kanë vjedhur automjetin tip “Benz” në pronësi të shtetases A.S., të cilën ja kishin shitur asaj para disa muajsh.
“Specialistët për Hetimin e Krimeve të Komisariatit të Policisë Nr. 3 arrestuan në flagrancë shtetasit E. Ll., 25 vjeç dhe E. C., 37 vjeç, pasi dyshohet se në bashkëpunim me njëri-tjetrin, kanë vjedhur automjetin tip “Benz” në pronësi të shtetases A. S., të cilin shtetasi E. Ll. ia kishte shitur asaj, para disa muajsh”, thuhet në njoftimin e policisë së Tiranës.
Materialet procedurale i kaluan Prokurorisë, për veprime të mëtejshme.
