Policia raporton se ka arrestuar autorin e plagosjes së regjistruar mbrëmjen e 23 Dhjetorit në lagjen “Skënderbeg” të Shkodrës, ku mbeti i plagosur 24-vjeçari Arsen Beqiri.
Në kuadër të operacionit “Kontigjenti” është vënë në pranga shtetasi Ensi Shtubina, 22 vjeç, banues në Shkodër. Ai është kapur në lagjen “Rus” të Shkodrës, teksa gjatë kontrollit fizik, bëhet me dije se uniformat blu i kanë gjetur një armë zjarri pistoletë me municion.
Ensi Shtubina akuzohet se ka plagosur me armë zjarri pistoletë 24-vjeçarin Arsen Beqiri, mbrëmjen e 23 Dhjetorit, përballë spitalit të Shkodrës në lagjen “Skënderbeg”. Fillimisht ata kanë debatuar me njëri-tjetrin për motive banale dhe më pas 22-vjeçari ka nxjerrë armën nga brezi duke e qëlluar në këmbë Beqirin.
Materialet procedurale iu referuan Prokurorisë së Shkodrës për veprime të mëtejshme.
