Një automjet tip Benz është përfshirë në një aksident mesditën e sotme në Vlorë.
Mjeti Benz duke qarkulluar me shpejtësi të lartë përgjatë aksit Transballkanike, në afërsi të paraburgimit të Vlorës, ka rrëshqitur dhe ka përfunduar në trafikndarëse.
Mjeti me shpejtësi në kthesë ka tentuar të frenojë por për shkak të lagështisë në rrugë nuk ka mundur duke përfunduar në drejtimin e kundërt në trafikndarëse. Ai ka goditur shtyllën e cila është rrëzuar përtokë.
Si pasojë e aksidentit ka dëme të shumta materiale.
Fatmirësisht, drejtuesi i mjetit nuk ka pësuar lëndime.
