Deputetja e PD, Albana Vokshi ndodhet në Strasburg për të ndjekur punimet e sesionit të dimrit të Asamblesë Parlamentare të Këshillit të Europës (PACE).
Gjatë një postimi në rrjette sociale, Vokshi ka ndarë detaje gjatë takimit me Presidentin e Asamblesë Parlamentare të Këshillit të Evropës, Theodoros Rousopoulos.
Vokshi thekson se gjatë takimit me Rousopoulos u diskutua edhe për situatën politike në Shqipëri ku opozita ka kërkuar qeveri teknike në prag të zgjedhjeve parlamentare të 11 majit.
“Në Strasburg, gjatë punimeve të sesionit të dimrit të Asamblesë Parlamentare të Këshillit të Europës (PACE), pata rastin dhe kënaqësinë të takoja Presidentin, z. Theodoros Rousopoulos të cilin e urova për rizgjedhjen e tij në mënyrë unanime në postin e Presidentit. Në takim diskutuam për axhendën e sesionit të dimrit të PACE si dhe situatën politike në Shqipëri”, shkruan Vokshi.
