Egnatia ka arritur të fitojë me rezultatin 2-1 përballë Bylisit në javën e 23-të të Kategorisë Superiore, duke ruajtur kështu dhe vendin e parë në tabelë.
Ndeshja e luajtur në stadiumin “Demrozi” të Rrogozhinës ishte mjaft e luftuar, por fraksioni i parë i lojës u mbyll me rrjeta të parpekura, pavarërisht rasteve dhe dy tranversave nga ana e Egnatias.
Goli i parë për rrogozhinasit do të vinte në minutën e ’57 të takimit, me një aksion model, ku Bakayoko pasoi brenda zonës për Regi Lushkjan dhe ky i fundit arriti ta dërgonte topin në rrjetë, duke mposhtur portierin Hasanbelli.
Në minutën e 75′ erdhi dhe dyfishimi i avantazhit, ku Edison Ndreca shfrytëzoi një krosim të Redi Kasës në zonë dhe arriti të gjente golin pas një gjuajtje me kokë.
Ndërkohë, goli i vetëm për Bylisin u realizua në minutën e ’83 pas një gafe të portierit Mario Dajsinani, i cili gaboi në largimin e topit, duke ia dhuruar Malomos brenda zonës dhe ky i fundit nuk gaboi nga pranë portës, duke shkurtuar rihapur ndeshjen.
Gjithsesi, rezultati mbeti i pandryshuar deri në fund, pavarësisht rasteve nga të dy kampet.
Me këtë fitore, Egantia ruan vendin e parë me 42 pikë, teksa Bylisi qëndron në vendin e gjashtë me 24 pikë, në pritje të ndeshjeve të tjera, pasi kjo ishte sfida hapëse e javës së 23-të të Kategorisë Superiore.
