Një person është plagosur me thikë mbrëmjen e kësaj të enjte në Tiranë.
Autoritetet policore raportojnë se i plagosur ka mbetur shtetasi Gentian Krasniqi, i cili është dërguar në spital dhe ndodhet nën kujdesin e mjekëve.
Ngjarja ka ndodhur rreth orës 20:30, në Rrugën e Dibrës. Nuk bëhet me dije se kush është autori, por Policia raporton se ka rrethuar zonën dhe vijojnë kontrollin e saj për kapjen e tij.
Burime për mediat bëjnë me dije se ngjarja ka ndodhur në ambientet e një lokalit, pas një sherri që besohet është ndezur për shkak të një femre.
Grupi hetimor po punon për sqarimin e rrethanave të ngjarjes.
