Gjykata e Apelit të Romës ka vendosur të mos pranojë kërkesat për azil në Itali të 43 refugjatëve që janë vendosur në kampin e Gjadërit bazuar në marrëveshjen Rama-Meloni.
Agjencia e lajmeve ANSA raporton se delegacioni i Tryezës së Azilit dhe Emigracionit (TAI), pasi ka dëgjuar mbrëmjen e së mërkurës kërkesat e refugjatëve, ka dalë në konkluzionin se ato janë të pabazuara dhe dhe nuk përmbushin kërkesat e duhura për të marrë statusin e azilantit.
Vetëm për njërin prej tyre nuk është mohuar plotësisht kërkesa për azil në Itali, i cili do të ridëgjohet në procedurë të veçantë. Ky delegacion, sipas mediave italiane, është në ditën e tretë të monitorimit të qendrave italo-shqiptare.
Kujtojmë se vetëm 44 nga 49 emigrantët e mbërritur në Shëngjin u akomoduan në kampin e Gjadrit. Nga të kthyerit në Itali, 4 janë minorenë e 2 me probleme shëndetësore.
4 të miturit janë transferuar në Potenza dhe do të merren në mbrojtjen e projektit FAMI, Fondi për Azil, Emigracion dhe Integrim, ndërsa njëri prej tyre ka marrë edhe ndihmë mjekësore.
Emigrantët e paligjshëm duhet të qëndrojnë në Gjadër, teksa kanë 7 ditë kohë për të bërë rekurs ndaj vendimit të Apelit të Romës.
