Tre persona janë arrestuar në Tiranë në kuadër të operacionit policor të koduar “Collaboration 2”.
Të rinjtë, dy 21-vjeçarë dhe një 19-vjeçar, janë kapur në flagrancë, në afërsi të një qendre tregtare, në momentin e shitjes së një sasie kokaine (107 gramë), e cila iu gjet një shtetasi tjetër gjatë kontrollit fizik.
Policia ka sekuestruar 107 gramë lëndë e dyshuar narkotike kokainë dhe 3 celularë.
“Si rezultat i hetimeve të kryera për disa muaj, nga Seksioni për Hetimin e Narkotikëve, në drejtimin e Prokurorisë, për veprimtarinë kriminale të shitjes së lëndëve narkotike, që kryhej nga 3 shtetas, është finalizuar operacioni policor i koduar “Collaboration 2”, në kuadër të të cilit u arrestuan në flagrancë shtetasit:
I. C., 21 vjeç, A. C., 21 vjeç dhe Xh. M., 19 vjeç, të tre banues në Tiranë.
Këta shtetas janë kapur në flagrancë, në afërsi të një qendre tregtare, në momentin e shitjes së një sasie kokaine (107 gramë), e cila iu gjet shtetasit Xh. M., gjatë kontrollit fizik.“- njofton policia.
Materialet procedurale i kaluan Prokurorisë për veprime të mëtejshme.
