Arben Ahmetaj, gjatë intervistës në Syri Tv foli edhe për falimentimin e kompanisë ajrore “Air Albania”, ku dikur Edi Rama deklaronte se do të ishte imazhi i kësaj Qeverie.
Ai tha se që nga 31 dhjetori 2019 humbja e Air Albania, e cila tejkalon gjithe totalin e aksioneve të grupit, është 20 milion euro. Ahmetaj e lidhi falimentimin e kësaj kompnie me udhëtimet me çarter të Edi Ramës, duke shtuar se vetëm një fluturim nga Tirana në Romë shkon në 14 mijë euro.
Ahmetaj: Vijmë të projekti Air Albania. Do ju sjell një gjë shumë interesante. Ky Air Albanian e ka falimentuar. Kreu i organizatës e ka falimentuar. Më vjen keq për pronarët, në respekt të qytetarëve, kam këtu bilancin e Turkish. Që nga 31 dhjetori 2019 humbja e Air Albania, e cila tejkalon gjithe totalin e aksioneve të grupit, nuk e fusin në këtë bilanc të konsoliduar, është 20 milion euro. Rama ka thënë se unë jam imazhi i Air Albania. Tani imagjino Michael Jordan që është imazhi i NIKE që të humbë dhe ta mbaj si imazh. Qytetarët kanë paguar për çartërin e Ramës përmes taksave. Jemi duke folur për devijim të parave. Një fluturim deri në Romë nga Tirana është 14 mijë euro, le t’i numërojnë të gjitha udhëtimet. Le të shohin sa faturohet Qeveria për një udhëtim në minimum, pastaj le të shohin se çfarë ka ndodhur me taksat në Air Albania. Le të shohin detyrimet aeroportuale. Nuk kam gjë fare me grupin. Ka dalë me humbje. Është shkrirë kapitali.
