Një 38-vjeçar është arrestuar nga policia në Dimal, pasi kishte vjedhur në një lokal karta krediti dhe identiteti, me të cilat më pas kishte tërhequr para.
Policia bën me dije se arrestimi i tij ka ardhur pas dy kallëzimeve për vjedhjen e një shume parash, në një lokal në fshatin Pashalli dhe për vjedhjen e 1 karte krediti, 2 kartave të identitetit, veglave të punës dhe veshjeve, në një banesë në këtë fshat, shërbimet e Stacionit të Policisë Dimal finalizuan operacionin të koduar “One day”.
“Si rezultat i administrimit të menjëhershëm të 2 kallëzimeve, për vjedhjen e një shume parash, në një lokal në fshatin Pashalli, dhe për vjedhjen e 1 karte krediti, 2 kartave të identitetit, veglave të punës dhe veshjeve, në një banesë në këtë fshat, shërbimet e Stacionit të Policisë Dimal finalizuan operacionin të koduar “One day”.
Gjatë operacionit, u identifikua, u kap dhe u vu në pranga, pak orë pas vjedhjeve, autori i rasteve, shtetasi A. M., 38 vjeç, banues në Kuçovë.
Me kartat e vjedhura në banesë, 38-vjeçari tërhoqi në bankë, një shumë parash“, thuhet nënjoftimin e policisë.
Vijojnë hetimet për zbardhjen e vjedhjeve të tjera që mund të ketë kryer ky shtetas.
