Moderatori i emisionit “360 gradëˮ, Artur Zheji pyeti kreun e Demokratëve Euroatlantik, Lulzim Basha nëse ishte i ftuar në inagurimin e Presidentit Donald Trump apo kishte paguar për të marrë pjesë.
Basha pohoi se ka qenë i ftuar për shkak të marrëdhënieve ndër vite që ka me SHBA-në.
Artur Zheji: A ishte një ftesë protakollare apo ju keni paguar para dhe keni lobuar për të qenë të pranishëm sipas sistemit amerikan?
Lulzim Basha: Jo, të vetmet para që kam paguar kanë qenë për hotelin, natyrisht edhe për biletën e avionit, për të tjerat kam qenë i ftuar zyrtarisht në të gjitha aktivitetet ku kam marrë pjesë.
Sigurisht për të kënaqur apo shfrenuar fantazinë e atyre që na ndjekin, takimet që kam patur janë të shumta, kam takuar pothuajse gjysmën e kabinetit të ardhshëm të Presidentit Trump, por siç e thashë nuk e shikoj si një mundësi për të nxjerrë foto sepse fotot janë nxjerrë e do të nxirren.
Artur Zheji: Si shkohet aty?
Lulzim Basha: Shkohet me ftesë. Disa ftesa njëra prej tyre e personalizuar për inagurimin.
Artur Zheji: Si kryetari i Demokratëve Euroatlantik? Si ish-ministër i Jashtëm? Si ish-ministër i Brendshëm? Si ish-kryetar i Partisë Demokratike?
Lulzim Basha: Si Lulzim Basha, si një njeri që ka një marrëdhënie të konsoliduar ndër vite edhe para hyrjes në politikë e në veçanti gjatë politikës aktive me vendimarrësit amerikan.
- “SPAK ka qenë efikas”, Basha: Berisha dhe Rama duan ta pengojnë, njëri me deklarata dhe tjetri me vepra
Kreu i Demokratike Euroatlantike, Lulzim Basha, në intervistën e tij për emisionin “360 gradë” në Abc News, vlerësoi se SPAK, nën drejtimin aktual, ka pasur një punë shumë efikase, duke hetuar jashtë kontrollit politikë si asnjëherë më parë në 35 vitet e fundit.
Basha ka përsëritur dhe njëherë se kryeministri Edi Rama dhe Sali Berishën po bashkëpunojnë me njëri-tjetrin për të penguar punën e SPAK-ut. Sipas tij, Berisha e sulmon me deklarata publike, ndërsa Rama duke ulur financimet, duke ulur kallëzimet nga institucionet publike si dhe duke urdhëruar mosbashkëpunimin me BKH-në.
Pjesë nga intervista:
Basha: Mendoj se SPAK nën drejtimin aktual kanë ndërtuar një bërthamë prokurorësh të cilët kanë provuar me fakte dhe jo me fjalë se dinë të ndërmarrin hetime jashtë kontrollit politikë si asnjëherë më parë në 35 vitet e fundit.
Pyetje: Në ligjëratë të drejtë SPAK-u është një prokurori efikase? SPAK-u nuk është SKAP-i?
Basha: S’ka diskutim që nuk është skapi, padiskutim që jo. Është skapi për ata që nuk duan të japin llogari dhe në krye të listës është Edi Rama, pavarësisht se përdor gojën e Sali Berishës. Është njeriu i cili siç e thanë në raportet zyrtare, siç e thotë vet raportimi zyartar i SPAK-ut, i cili i ka çuar në zero denoncimet nga institucionet, i cili i pret fondet SPAK-ut, ka ulur kallëzimet, ka ulur bashkëpunimin. E ka kthyer policinë e shtetit, krerët e policisë së shtetit në njerëz, për të cituar SPAK-un, që bashkëpunojnë me krimin sesa me SPAK-un. Pra, këtu është e qartë se kush dhe pse, jua thash pak më përpara, sepse nuk do të japë llogari.
Pyetje: Nuk kam dëgjuar ndonjëherë zyrtarisht nga përfaqësues të qeverisë që të sulojnë SPAK-un.
Basha: Po a ka kriminel që të dalë përëpara dhe të thotë që ka bërë krimin.
Pyetje: SPAK-u është denoncuar, nuk është gjykuar. Pra, në qoftë se flasim kështu nuk kam dëgjuar ndonjëherë që në mënyrë zyrtare, të ketë linjë zyrtare të qeverisjes që të sulmojnë SPAK-un.
Basha: Padiskutim, ia ka lënë Sali Berishës atë detyrë, vet e sulmon me vepra. i kanë ndarë punët, me vepra e sulmon Rama, me fjalë e sulmon Berisha. Por është Rama ai i cili i pret fondet, i cili nuk siguron infrastrukturën, i cili urdhëron mosbashkëpunim me BKH, i cili edhe goja i shpëton kur i quan Republika e Prokurorëve. Sepse personi që ka më shumë për të humbur është padyshim kryeministri 12 vjeçar i vendit i cili kërkon edhe 4 vite të tjera pa dhënë llogari për 12 vitet që shkuan.
