SHBA-ja do të mbetet një nga aleatet më të afërta dhe më të domosdoshme të Gjermanisë, pavarësisht se kush është presidenti aktual, tha sot kancelari gjerman, Olaf Scholz në një fjalim në Forumin Ekonomik Botëror, në Davos.
“Vazhdimi i bashkëpunimit dhe partneritetit të ngushtë është në interes të SHBA-së dhe Gjermanisë”, tha Scholz.
Por gjithashtu nuk duhet të ketë përpjekje të rreme për “mirënjohje” apo “biseda të ëmbla” për presidentin e ri të SHBA-së, Donald Trump.
“Jo çdo konferencë për shtyp në Uashington, jo çdo postim duhet të na fusë menjëherë në debate të nxehta ekzistenciale. Kjo vlen edhe pas ndryshimit të qeverisë që ndodhi dje në Uashington”, tha Scholz, duke iu referuar kthimit të presidentit amerikan, Donald Trump në Shtëpinë e Bardhë për një mandat të dytë.
“Sipas Trump, qeveria e tij do ta mbajë botën në avantazh për vitet në vijim”, tha Scholz.
“Ne mund dhe do të përballemi me të gjitha këto”, tha ai.
Udhëheqësi gjerman tha se bashkëpunimi mes aleatëve evropianë dhe SHBA-së është thelbësore për paqen dhe sigurinë në mbarë botën dhe një nxitës për një zhvillim të suksesshëm ekonomik./Ata/
