Gazetari Dritan Laçi, i ftuar në emisionin Open në News 24 tha se ka një mjegullnajë sa i përket hetimeve për 21 janarin.
Laçi tha se ditën e protestës, kur në bulevard u vranë katër protestues, janë shpërndarë para. Ai shtoi se edhe familjarët e viktimave e kanë kuptuar se ka ngecje në hetime.
Dritan Laçi: Ka një mjegullnajë për 21 janarin. Duket se edhe familjarët e viktimave e kanë kuptuar që nuk ka zhvillim pozitiv. Nëse flasim për hetim gjithëpërfshirës, mos ndoshta duhet ta kthejmë këtë histori nga fillimi?
Për të bërë një hetim të mirë, duhet që të zbardhësh më tepër. Unë mendoj që palëve politike nuk iu intereson ta zbardhin këtë ngjarje. Kryeministri duket se fshihet pas gishtit. Janë shpërndarë para më 21 janar, këtë e di shumë mirë.
